Liwat nga ginpanawagan ni Presidente Ferdinand Marcos Jr., ang paghiliusa sang mga miyembro sang Partido Federal ng Pilipinas (PFP) para maagum ang mga handum sini sa 2025 midterm elections.
Suno kay PBBM, ang iisa nga ginatuyo kag direksyon sang tagsa ka mga kagrupo ang makabig nga mapag-on nga pundasyon batuk sa mga kontra sa politika.
Importante suno nga hatagan sang pagtamod ang pagbuliganay indi lamang sang partido kundi sang kada miyembro sini.
Gintuad man sang presidente nga wala sang iban nga grupo ukon indibidwal nga makalampuwas sa ikasarang kag diskarte sang ila grupo bangud ang partido, ang yara permi sa likod sang mga kandidato sini.
Ginatuyo sang mga ini nga paayuhon ang pangabuhi sang tagsa ka mga Pilipino kag protektahan ang Pilipinas.
Dugang pa sini, importante man nga mapahibalo sa mga botante ang mga plano kag adbokasiya sang mga ini para sa bayan.
