Ginmando ni Presidente Ferdinand Marcos Jr ang gilayon nga imbestigasyon sa kamatayon sang duha ka mga atleta gikan sa Ateneo de Manila University nga natabo sang damlag lang sa tunga-tunga sang ila training.
Suno kay Palace Press Officer USec. Claire CAstro, nagpalab-ot sang pagpakig-unong ang Presidente sa pamilya sang mga biktima.
Ginhatagan pagtamod ni USec. Suno Castro, nga luyag sang Presidente nga madasig ang pag-uswag sang kaso agud mahibaluan ang kamatuoran sa likod sang insidente.
Kasunod sang nagtuhaw nga balita nga posible ang hazing kag indi usual nga training ang gintunaan sang trahedya, nagpahingyo si Castro sa publiko nga indi na magpanguna sa opisyal nga imbestigasyon sang otoridad.
Dugang pa sang opisyal, kinahanglan ang maid-id nga imbestigasyon bangud wala nangin maayo ang konsekwensya sang mga aktibidad sang mga biktima, samtang ginpasalig sini nga tinutuyo sang administrasyon nga mahatagan sang madasig nga hustisya ang tanan nga Pilipino nga yara sa sini nga sahi sang sitwasyon.
