Nagpanawagan si Pangulong Ferdinand “Bongbong” Marcos Jr. sa tanan nga hanay kag ahensya sang gobyerno nga iduso ang “accountability” sa tagsa ka mga komunidad.
Sa ginpatigayon nga plenary opening sang 2025 Open Government Partnership (OGP) Asia and the Pacific Regional Meeting sa Taguig City gintuad ni Marcos ang importansya sang pagiging kabahin sang mga ahensya sang gobyerno kag international partners para sa bukas nga pagdumala.
Ginsiling man ni Marcos sa mga nagtambong nga importante dumdumon ang gahum sang kolaborasyon ilabi na sa paghatag sang sabat kag solusyon sa mga pagtilaw sa gobyerno subong nga 21st century.
Mahibaluan nga ang OGP, isa ka global initiative nga may tinutuyo himuon nga mas “transparent, accountable, kag responsive” ang mga ahensya sang gobyerno.
