Nagpangayo sang bulig si Pangulong Ferdinand Marcos Jr., kay Canadian Prime Minister Justin Trudeau nga i-endorso sa Group of Seven ukon G7 countries ang panindugan sang Pilipinas sa South China Sea.
Mahibaluan nga ang G7 ang ginakabug-usan sang pito ka mga makusog nga pungsod kaangay sang Canada, France, Germany, Italy, Japan, United Kingdom, kag Amerika.
Sa bilateral meeting nila ni Trudeau sa ASEAN Summit sidelines, ginsiling sang pangulo nga nagalaum siya sa suporta sang Canadian leader ilabi na kung mangin Chairman na ini sang G7.
Nagpasalamat man ini sa suporta sang Canada sa rule of law sa Indo-Pacific kag South China Sea.
Samtang, ginsiling naman sang Canadian prime minister nga suportado nila ang pagduso sang regional security kag safety, nagikan sa pagpangisda tubto pag-abot sa isyu sang militar.
Nagpromisa man ini sa pagpabaskog sang importasyon kag sa iban pa nga sektor padulong sa pagdabong sang ekonomiya.
