Ginbalasa ni Pangulong Ferdinand Marcos Jr. ang mga miyembro sang National Security Council (NSC).
Sa pagbag-o nga ginhimo ni PBBM sa reorganisasyon sang NSC, ang pagkakas sini sa bise-presidente ukon kay VP Sara Duterte kag mga anay pangulo bilang miyembro sang konseho.
Base sa Executive Order (EO) No.81, ang NSC ang ginapamunuan sang presidente bilang chairperson samtang magiging miyembro naman ang senate president, house speaker kag iban pa nga mga opisyal sang gobyerno.
Mahimo man nga magtalana ang Pangulo sang iban pa nga mga opisyal sang gobyerno bilang miyembro sang NSC kag mangin mga private citizens.
Kalakip naman sa Executive Committee ng NSC ang Pangulo bilang chairperson, samtang miyembro naman ang executive secretary, senate president, house speaker kag iban pa nga mga gov’t officials.
Kadungan sini, ginmanduan naman ang Director-General sang National Intelligence Coordinating Agency (NICA), chief of staff sang Armed Forces of the Philippines (AFP), kag mga hepe sang Philippine National Police (PNP) subong man ang National Bureau of Investigation (NBI) nga magtambong sa mga paghinun-anon sang council kag mag-asister sa mga deliberasyon.
Mahimo man nga imbitahan ang gobernador sang Bangko Sentral ng Pilipinas (BSP) agud magtambong kag magatalana ang pangulo sang iban pa nga opisyal sang gobyerno kag pribado nga indibidwal sa NSC.
Samtang, gin-reorganize man ang NSC executive committee kag indi na diri kalakip ang bise-presidente.
