Ginbalasa ni Presidente Ferdinand Marcos Jr. ang mga miyembro sang National Security Council (NSC).
Sa pagbag-o na ginhimo ni PBBM sa reorganisasyon sang NSC, ang pagkakas sini sa bise-presidente ukon kay VP Sara Duterte kag mga anay presidente bilang kasapi sang konseho.
Base sa Executive Order (EO) No.81, ang NSC ang ginapamunuan sang presidente bilang chairperson samtang mangin miyembro man ang senate president, house speaker kag iban pa nga mga opisyal sang gobyerno.
Mahimo man nga magpahamtang ang Presidente sang iban pa nga mga opisyal sang gobyerno bilang kasapi sang NSC kag mangin ang mga private citizens.
Kalakip naman sa Executive Committee sang NSC ang Presidente bilang chairperson, samtang miyembro man ang executive secretary, senate president ukon kinatawan sini, house speaker kag iban pa nga mga gov’t officials.
Kadungan sini, ginmanduan naman ang Director-General sang National Intelligence Coordinating Agency (NICA), chief of staff sang Armed Forces of the Philippines (AFP), kag mga hepe sang Philippine National Police (PNP) kag National Bureau of Investigation (NBI) nga magtambong sa mga pagtilipon sang council kag umasister sa mga deliberasyon.
Mahimo man nga imbitaron ang gobernador sang Bangko Sentral ng Pilipinas (BSP) agud magpakigbahin diri kag magahamtang ang presidente sang iba pa nga opisyal sang gobyerno kag pribado nga indibidwal sa NSC. Ginre-organize man ang NSC executive committee kag indi na lakip diri ang bise presidente.
