Ginkumpirmar ni Pangulong Ferdinand Marcos Jr., nga nakatalana ini nga makighinun-anon kay US President Donald Trump agud talakayon ang nagkalain-lain nga mga bilidhon nga isyu sa tunga sang Pilipinas kag US.
Ginpahayag sang Pangulo nga madamo sila sang pagahinalaan partikular sa negosyo, defense and security kag ang bag-o nga polisiya sang Amerika sa immigration.
Pagaathagon man sang Pangulo kay Trump ang direktiba sini kaangut sa temporaryo nga pag-untat sang foreign aid sang US.
Nahibaluan nga sa karon indi pa maathag ang direktiba may kaangtanan sa pagpa-untat ni Trump sa mga ayuda sang US sa mga pungsod rason nga nagpamalibad anay nga magkomento ang Pangulo.
Suno kay PBBM nga mangin ang mga ahensiya sa US government, wala man nilla sa karon naintindihan kun ano ang buotsilingon sa nangin mandu ni Trump.
Wala naman ginhinambitan sang Pangulo kun san-o sila magakit-anay kag maghinun-anon ni US President Donald Trump.
Nagalaum si Marcos nga makaimpluwensiya ang Pilipinas kaangut sa bag-o nga polisiya sang US sa immigration. Bangud sa nasambit nga polisiya ni Trump, ginatos na ka mga Filipino ang napauli pabalik sa pungsod.
