Wala suno nagahinulsol si Presidente Ferdinand Marcos Jr. (PBBM), nga nangin presidente ini sang Pilipinas apisar pa mabug-at ang mga responsibilidad kag madamo ang kinahanglan nga himuon.
Sa isa ka speech sini sa Visayas governors kag One Cebu officials, ginsiling sang presidente nga wala niya ginakabig nga problema ang ginapangatubang sini karon bilang presidente bangud trabaho nya ini.
Isa man suno sa rason kun ngaman wala ini sang may ginahinulsulan sa presidente bangud sa nangin malawig man sini nga karera sa pulitika rason nga kumpiyansa ini sa mga pagtilaw.
Ang pagiging presidente suno sang pungsod ang isa ka pinakadako nga pasidungon kag pribilehiyo nga ginhatag sang mga Pilipino sa sinuman nga mapahamtang sa puwesto.
Antes mangin presidente sang pungsod, nangin vice governor si PBBM sang Ilocos Norte (1981 tubtob 1983), gobernador (1983 tubtob 1986; 1998 tubtob 2007), congressman sa 2nd district sang Ilocos Norte (1992 tubtob 1995; 2007 tubtob 2010), kag senador (halin Hulyo 2010 tubtob 2016).
