Hugot nga gina-monitor sang Philippine Coast Guard (PCG) ang aktibidad sang Chinese Coast Guard Vessel 5901 ukon mas kilala nga “monster ship” matapos ini nasiplatan sa may porsyon sang Capones Island sa Zambales.
Suno kay PCG spokesperson on the West Philippine Sea, Commodore Jay Tarriela, matapos nila nga makumpirmar ang presensiya sang monster chip gilayon nila nga gin-deploy ang BRP Cabra (MRRV-4409) kaupod ang duha ka helicopter sa porsyon sang Capones Island.
Na-detect ang presensiya sang “monster ship” pinaagi sang Dark Vessel Detection system gikan sa Canada.
Ginhayag ni Tarriela nga padayon ang paghatag sang “challenge” sang BRP Cabra kag sang PCG aircraft ang CCG-5901 kun sa diin suno sa iya yara ini sa sulod sang exclusive economic zone sang Pilipinas base sa Philippine maritime Zones Law kag UNCLOS.
Dugang pa sini, nagapabilin ang ila promisa nga strikto nga i-monitor ang Chinese Coast Guard vessel agud masiguro nga makapangabuhi pa ang mga Filipino nga tripulante nga wala gina-harass sang mga barko sang China.
