ROXAS CITY – Wala pa nabaton sang opisyal sang Provincial Development Council ang resolusyon nga ginpapasar sang Sangguniang Panlalawigan nga nagapabalik sa ila lebel sang Annual Investment Program (AIP) para sa 2022.
Ini ang ginpahayag ni Mr. Willar Delos Santos, ang Provincial Planning Coordinator, sang mainterview sang Bombo Radyo.
Matandaan nga ginpabalik sang mga katapo sang provincial board ang AIP sa lebel sang PDC bangud man sa ila hinyo nga amyendahan ang pila ka gin-alokar nga pondo kag programa sang gobyerno.
Kaangay sang hinyo nga dugangan ang pondo sang farm to market roads, hospital services kag pagakakason ang tinaga nga ‘kabalaka’ sa mga proyekto sang probinsya sang Capiz.
Sa tion nga mabaton sang ila departamento ang amu nga resolusyon, ang gobernador sa gihapon ang maka-desisyon bilang chairman sang PDC, pinaagi sa mga miyembro sang amu nga council.
Ang Annual Investment Program, amu ang tuigan nga listahan sang programa, proyekto kag mga aktibidad, nga ginalantaw sang provincial government nga kinahanglanon para sa probinsya nga ginproponer sang nagkalain-lain nga departmento.
