MANILA, Philippines – Naghatag sang kabug-osan nga P7.46 milyon nga pabuya ang Philippine Drug Enforcement Agency (PDEA), sa 31 ka sibilyan nga informants nga nagbulig sa kampanya sang gobyerno batok sa iligal nga droga.
Ang 6 sang mga tipsters, nga ginpanabunan ang mga nawong para sa ila seguridad, ang personal nga nagbaton sang pabuya sa isa ka simple nga seremonya sa PDEA national office sa Quezon City.
Suno sa ahensya, ang tanan nga pag-release sang pabuya gin-agi sa hugot nga evaluasyon sang OPE reward committee nga ginabug-usan sang mga opisyal sang PDEA kag mga representante halin sa sektor sang negosyo, akademya, kag relihiyon.
Dugang pa ni Isagani Nerez, nga sa likod sang kada madinalag-on nga anti-drug operation yara ang isa ka pumuluyo nga nagpili nga magbulig kag maghatag impormasyon.
Padayon sa pagpanawagan ang PDEA, sa publiko nga magkooperar agud mapakusog pa gid ang kampanya batok sa iligal nga droga sa pungsod.
