PDRRMO naka-alerto matapos ginpaidalum sa storm signal number 1 ang probinsiya sang Capiz bangud sa bagyo Dante

Naka-alerto karon ang Provincial Disaster Risk Reduction and Management Office (PDRRMO) matapos nga ginpaidalum na sa Storm Signal Number 1 ang probinsiya sang Capiz bangud sa bagyo Dante.

Ginpahayag ni Judy Grace Pelaez, head sang PDRRMO nakapatigayon na sang pre disaster risk assesstment kag naka-alerto naman ang mga Municipal Disaster Risk Reduction and Management Office.

Padayon man ang monitoring sa mga kasubaan agud matsekyar kun may pagtaas ang water level.

Samtang nagdihon naman sang mga preventive measures agud mapreparahan ang posible mangin epekto sang bagyo Dante sa probinsiya.