Gintapos na sang Cambodia kag Thailand ang ila away, matapos nga nag-ugyon nga iduso ang kalinong.
Pormal nga ginpirmahan nanday Cambodian Prime Minister Hun Manet kag Thai Prime Minister Anutin Chairnvikarul upod kay US President Donald Trump kag Malaysian Prime Minister Anwar Ibrahim kahapon nga adlaw sa Kuala Lumpur, Malaysia sa sidelines sang ika-47 nga Association of Southeast Asian Nations Summit and Related Summits.
Matandaan, nagluntad ang tensyon sa tunga sang Thailand kag Cambodia sang Hulyo pagkatapos sang maduguon nga engkwentro sa tunga sang military force, sa diin 40 ka tawo ang napatay kag 300,000 ka sibilyan ang nadulaan sang puluy-an.
Nahibaluan nga sa bulig ni US President Donald Trump Nagkasugtanay ang Duha ka pungsod.
Sa iya mensahe, gin-anunsyo ni Trump nga mas maayo nga magtutok sa trade agud mapasanyog ang ekonomiya bangud wala ini sang pulos kun magpadayon ang inaway.
Dugang pa ni Trump nga sa kalinong, minilyon ka mga kinabuhi ang masalbar.
Samtang, gindayaw naman ni Malaysian Prime Minister Anwar Ibrahim ang duha ka mga lider sa ila desisyon nga pilion ang kalinong.
Pahayag niya, importante ang kalinong agud mapabilin ang kalig-on sa rehiyon sang Association of Southeast Asian Nations.
