Ginpatigayon subong nga Setyembre 29, ang duha ka adlaw nga People’s Strike sa Iloilo City nga ginapangunahan sang No to Oil Price Hike Coalition kag sang nagkalain-lain nga progresibo nga grupo.
Sa interview sang Bombo Radyo kay Arlie Bosque, Secretary General sang Kabataan Partylist Panay, iya ginpahayag nga daku ang epekto sang padayon nga pagsaka sang presyo sang gatong sa mga estudyante bangud nagasunod man diri ang pagsaka sang plete.
Suno kay Bosque, bisan may rollback sa presyo sang gatong subong nga semana, indi ini makaigo bangud mas daku ang pagsaka sang presyo kun ipaangid sang nagligad nga mga semana.
Lakip sa panawagan sang mga nagapartisipar sa People’s Strike ang kanselahon ang sa Oil Deregulation Law, VAT kag excise tax sa gatong kag pagpataas sang sweldo sang mga mamumugon.
