ROXAS CITY – Dako ang nabulig sang performance ni Andrew Wiggins kag Klay Thompson agud maangkon sang Golden State Warriors ang ikatatlo nga kadalag-an sa NBA Finals 2022 Game 5 nga ginhiwat sa mismo nga homecourt sang GSW, sa Chase Center, San Francisco California.
Sa pakig-angut sang Bombo Radyo kay coach Jeffrey Abool sang Jaguars, ginpahayag sini nga bangud naka-pokus ang atensyon sang Boston Celtics sa star player sang GSW nga si Stephen Curry wala nila ginalauman ang pagpaulan sang tira ni Wiggins kun sa diin nakapuntos ini sang 26points kag 13 rebounds.
Suno diri, makit-an nga nadulaan na sang gana ang hubon sang Celtics matapos nga na-technical si Marcus Smart kun sa diin apektado ang bilog nga teammates sini.
Bangud sini, nalutos sang GSW angCeltics sa score nga 104-94 kag ginapanguna ang serye sa 3-2.
Nagapati si Abool, nga makuha sang Boston Celtics ang kadalag-an sa Game 6 bangud dako nga bentaha kun yara sa mismo nga homecourt ginahiwat ang hinampang.
Bantayan ang Game 6, sa Huwebes nga adlaw, Hunyo 17, alas-9 sa aga, oras sa Pilipinas sa TD Garden Arena Boston, Massachusetts.
