Kada tuig, isa ka talagsahon nga tradisyon ang ginahimo sang isa ka Pest Control Company sa Japan, kun sa diin nagatipon ang ila mga empleyado sa Myodoji Temple sa Ako City agud maghalad sang pangamuyo kag pagtahod sa mga insekto nga “nagsakripisyo” sang ila kabuhi para sa research sang ila mga produkto.
Sa pinakaulihi nga seremonya nga gintambungan sang sobra 60 ka mga empleyado, isa ka Daoist priest ang nagpanguna sang pagpangamuyo sa atubang sang templo nga ginapalibutan sang mga litrato sang mga lamok, garapata, langaw, kag ipis, mga insekto nga ginapatay sang mga tawo pero ginakilala sang kompanya bilang importante nga bahin sang kasaysayan.
Suno sa spokesperson sang amo nga Corporation, importante ang papel sang mga insekto sa research kag development sang ila mga produkto agud masiguro nga epektibo ini kun gamiton na sang mga konsumidor.
Sa ila pasilidad, may yara sang ginabanta 1 milyon ka ipis kag 100 milyón ka garapata nga ginagamit sa ila eksperimento.
Suno man kay Tomihiro Kobori, Chief of Research, nga indi dapat pagbalewalaon ang importansya sang sakripisyo sang sini nga mga magagmay nga tinuga.
Nahibaluan ang ‘transcendence ceremony’ nga ini apat ka dekada na nila nga tradisyon bilang pamaagi sa pagpakita sang utang nga kabalaslan nga bisan pa nga ang ila negosyo amo ang pagpatay sang insekto.
