ROXAS CITY – Nagpatigayon sang pagkay-o sa Governor’s Mansion ukon ESLA nga nahamtang sa Barangay Lanot sining syudad ang Provincial General Services Office (PGSO)- Capiz matapos nagpadulong diri kag nag-inspeksyon si Governor Fredenil “Oto” Castro.
Sa interview sang Bombo Radyo kay Mr. Eduardo “Boy” Apaap, Chief sang PGSO- Capiz, ginsiling sini nga tatlo ka tuig na nga wala nakay-o ang ESLA kun sa diin ginpuy-an man ni anay Governor Contreras kag nakit-an man ni Gov. Castro nga may kalay-uhon diri gani gilayon man nila nga gin-aksyunan.
Kumpleto man suno diri ang ila inventory sang kagamitan apang indi pa nila matuad kun magapuyo man diri si Gov. Castro.
Sa karon, 3 ka gwardya kag utility lamang ang nagapabilin kag nagabantay sa Governor’s mansion.
