Ginkumpirmar sang Philippine Embassy sa Washington DC nga nagapabilin sa kustodiya sang mga otoridad ang Philippine green card holder nga nadakpan pag-abot sa Estados Unidos.
Suno sa report, ginkilala ang Pinay nga si Lewelyn Dixon, 64 anyos, nga nag-imigrar sa US halin sa Pilipinas lima ka dekada na ang nakaligad.
Si Dixon ang nadakpan sang Customs Border Patrol sang Pebrero 28 matapos nga nagpauli halin sa Pilipinas.
Suno sa iya abogado, ang rason sang pagkapriso kay Dixon amo ang isa ka non-violent conviction nga nagsugod sang 2001.
Ginpahayag nga nagserbisyo man ini sang 30 ka adlaw sa isa ka halfway house kag nakabayad sang multa sa amo nga tion.
Nagakahangawa si Philippine Ambassador to the US Jose Manuel Romualdez sa natabo sa Pilipinas kag gin-athag sini nga lain ang pag-angkon sang green card sa pag-angkon sang permanente nga status sa US, bangud suno sa iya isa lang ini ka “pribilehiyo” nga nagapahanugot sa naga-uyat sini nga magtener sa pungsod kag mahimo nga kanselahon sa anuman nga tion sang gobyerno.
Ang pag-detain kay Dixon ang kadungan sang promisa sang administrasyon ni US President Donald Trump nga magpatigayon sang massive crackdown batok sa illegal immigration.
