Naglab-ot na sa sa P34.099 trilyon ang kabug-usan nga manggad sang sistema pinansyal sang Pilipinas, base sa preliminary data gikan sa Bangko Sentral ng Pilipinas (BSP) tubtob bulan sang Mayo 2025.
Ini ang mas mataas sang 6.16% kon ipaanggid sa P32.119 trilyon sa kapareho nga bulan sang nagligad nga tuig.
Suno sa BSP, P28.228 trilyon ukon 82.78% ang nagikan sa mga bangko, samtang ang nabilin nga P5.871 trilyon (17.22%) ang ginapanag-iyahan sang mga nonbank financial institutions.
Ang mga unibersal kag komersyal nga bangko (UKBs) nagabug-os sang pinakadaku nga bahin sang mga manggad sang bangko, nga may kabug-usan nga P26.202 trilyon —katumbas sa 92.82% sang kabug-usan nga manggad sang sektor sang bangko. Nagtaas ini sang 5.65% halin sang Mayo 2024.
Samtang, ang mga nonbank financial institutions may kabug-usan nga assets nga P5.871 trilyon sang Disyembre 2024, isa ka pagtaas sang 3.80%.
Ang nonbank sector nagalakip sang mga investment house, financing kag investment companies, pawnshops, NSSLAs, subong man mga institusyon pareho sang SSS, GSIS, kag mga kompanya sang seguro, lakip ang pila ka mga korporasyon sang gobyerno pareho sang PhilGuarantee kag Small Business Corporation.
