Nagpirma ang Pilipinas kag United Kingdom para sa PH-Uk Joint Framework agreement nga magpabaskog sang kooperasyon sang duha ka pungsod sa trade, defense, human rights kag regional security.
Malipayon naman nga ginbaton ni Departmen of Foreign Affairs (DFA) Secretary Enrique Manalo si UK Foreign Secretary David Lammy para sa pagpirma sang kasugtanan kag idiscuss ang “pressing mutual concerns” sang 2 ka pungsod.
Sa isa ka statement, ginpahayahag ni Sec. Manalo nga ang Enhanced Partnership sang PH sa UK ang isa ka testamento sa mabaskog kag madalom nga formal, sectoral kag people-to-people relations sa tunga sang PH kag UK.
Suno pa sa tiglikom, nagkasugot sila ni Lammy nga ipadayon ang kooperasyon sa mga isyu kasubong sang defense and security, mga tawhanong kinamatarung, maritime kag economic resilience.
Sa parte naman sang UK Foreign Secretary, iya nga ginpahayag nga gin-istoryahan sang PH kag UK ang isa ka bag-o nga direksiyon sa relasyon sang 2 ka pungsod sa tunga sang madamu nga pangkalibutanon nga paghangkat.
Ginbuyagyag man ni Manalo nga ginatrabaho sang 2 ka pungsod ang madamu pa nga mga kasugtanan kag engagements kalakip na ang Implementing Arrangement sa idalum sang 2024 Memorandum of Understanding (MOU) on Defense Cooperation, MOU on information sharing concerning maritime domain awareness, padayon nga partisipasyon kag bayluhanay sa joint military exercises kag maritime patrols, port calls sang British naval vessels kag ang paglunsyar sang inaugural PH-UK Joint Economic Committee (JETCO) meeting sa London subong nga Marso.
