Ginkansela na sang Department of Foreign Affairs (DFA) ang Philippine passport ni dismissed Bamban Mayor Alice Guo.
Sa isa ka statement, ginkumpirma sang DFA nga nangin epektibo ang kanselasyon sang pasaporte ni Guo sadtong Setyembre 30 subong nga tuig matapos magtugma ang iya biometrics sa Chinese passport holder nga si Guo Hua Ping sa files sang National Bureau of Investigation.
Matandaan nga una na nga ginmandu sang Palasyo Malacañang nga kanselahon ang pasaporte ni Guo kalakip ang iya nga mga utod nga sanday Wesley, Shiela kag Cassy Ong nga naangut sa ginsalakay nga POGO hub sa Porac, Pampanga matapos nga magpalagyo ang mga ini pagguha sa Pilipinas sadtong Hulyo.
Nagpromisa naman ang DFA sa seguridad kag integridad sa pag-isyu sang mga PH passport kag ginsigurado sa publiko nga ila irefer sa law enforcement agencies kag prosekusyon ang anuman nga ilegal nga aplikasyon kag pagkuha sang mga pasaporte.
Suno pa ang ahensiya ginpatuman sini ang Zero Tolerance Policy sa mga unscrupulous individuals nga indi legal nga nag-agi sa insakto nga aplikasyon sang pasaporte.
