Phase 1 sang covered gym sa Brgy. Balijuagan, natapos na                           

Ginpasalamatan sang mga barangay officials kag pumuluyo sang Barangay Balijuagan ang proyekto nga covered gym nga ginpatukod sa ila lugar.

Sa interview sang Bombo Radyo kay Punong Barangay Ronnel Fernando, iya ginpahayag nga tuman ang ila kalipay sa paghuman sang phase 1 sang proyekto bangud isa ini sa dugay na nila nga ginapangabay para sa barangay.

Suno pa kay Fernando, ginahulat nalang subong ang pondo para sa phase 2 agud makompleto ang konstruksyon sang covered gym.

Dugang pa sini, nga dako nga bulig sa komunidad ang amo nga covered gym bangud mahimo na nga diri himuon ang nagkalain-lain nga aktibidad pareho sang mga programa, meeting, selebrasyon kag iban pa nga mga okasyon sa barangay.