Nagpatigayon sang maritime air patrol ang Philippine Army Aviation Regiment sa kadagatan sang Mindanao.
Ang nasambit nga patrol mission ang ginpangunahan sang Special Mission Aviation Company, isa ka yunit sa idalum sang Aviation Regiment sa diin natigayon nga matabunan sang grupo ang kadagatan nga nasakop sang Zamboanga Peninsula, Maguindanao del Norte, kag ang kadagatan nga nasakop sang isla sang Basilan kag Sulo.
Antes sini, ang Philippine Army nagpatigayon man sang kasubong nga patrol operations sa kadagatan nga ginasakop sang Aurora, Isabela, kag Cagayan, ang mga probinsya nga direkta nga nagaatubang sa naaminhan-sidlangan nga baybayon sang Pilipinas.
Lakip sa ekspedisyon sang grupo ang Philippine Rise, ang pinakadaku nga caldera sa kalibutan.
Sini nga Hunyo, nagpatigayon man sang maritime patrol ang PA sa kadagatan sang Central kag Eastern Visayas.
Suno sa PA, ang ila maritime patrols amo ang pagsuporta sa Land Defense Concept sang army, isa ka importante nga bahin sang Comprehensive Archipelagic Defense Concept sang Department of National Defense.
Magluwas ini sa maritime kag aerial patrol nga ginapatigayon sang Philippine Air Force kag Philippine Navy.
