ROXAS CITY – Ginbulabog sang bomb threat ang Philippine Health Insurance Corporation (PhilHealth)-Capiz sa Barangay 5, sining syudad kaina sang aga.
Nakabaton sang text message ang isa ka empleyado sang PhilHealth gikan sa wala makilala nga sender nga nagapaandam angut sa bomba nga gintanum sa nasambit nga talatapan bangud sa alegasyon nga pagpangawat sang P15 billion nga pondo sang PhilHealth.
Matapos nabaton ang text message gilayon nagpanawag sa mga kapulisan kag ginpaguha ang mga empleyado sang talatapan.
Kalakip sa mga nagsecure kag nagtsekyar sa ginaalegar bomba sa palibot sang PhilHealth ang mga katapu sang Philippine Coastguard kaupod ang ila nga K9 dog kag Special Weapons and Tactics Team (SWAT) sang Roxas City PNP.
Samtang matapos nakalab-ot kay Kapitan Lorilee Aguirre sang Barangay 5, ang natuhoy sa bomb threat, gilayon sini ginpakadto ang mga barangay tanod agud ma-secure ang area.
