Tun-an na sang Philippine Health Insurance Corporation (PHIC) ang posibilidad nga proseso sa pagbuhin sang kontribusyon sa mga PhilHealth members.
Ini amo sang damlag lang nga makumpirmar sa hearing sang Senate Committee on Health nga may yara gali sang ₱500 billion nga reserve fund ang PhilHealth nga kaya nga sabton ang tanan nga benepisyo sang mga miyembro pati na ang mga dugang pa nga health benefits nga gin-anunsyar ni Presidente Ferdinand “Bongbong” Marcos Jr. sa pinakaulihi nga SONA sini.
Sa hearing, nagpromisa si PhilHealth President and CEO Emmanuel Ledesma nga gilayon nila nga tun-an ang pagbawas sa suluktan sang premium contribution sang mga miyembro.
Agad man suno diri nga mag-co-convene ang bilog nga hubon agud maistoryahan kag mairekomenda kay Presidente Marcos nga nubuan ang suluktan sa premium rates sang mga PhilHealth members.
Ginpahayag naman ni Committee on Health Chairman Senator Christopher “Bong” Go nga sa kada piso ang importante para sa mga pumuluyo kag mabug-at na ini para sa mga miyembro ang mataas nga kontribusyon apang nahibaluan nga may dako nga reserba nga pondo nga nakatago ang nasambit nga korporasyon.
