Ginlusyar na sang Philippine Health Insurance Corporation ukon PhilHealth ang Z Benefits Package para sa mga miyembro nga nagakinahanglan sang pinansyal nga bulig para sa ila pagbulong.
Sa interview sang Bombo Radyo kay Capiz 1st District Board Member Dr. Cesar Yap, kag Chairman sang Committee on Health, iya ginpahayag nga dako ini nga bulig ilabi na sa mga pasyente nga may cancer, nagakinahanglan sang kidney transplant xdp disease ukon Lubag syndrome kag iban pa nga malubha nga balatian.
Ang xdp disease ang isa ka rare inherited neurodegenerative movement disorder nga eksklusibo para sa lalaki.
Suno kay Yap, daku ini nga benepisyo sa mga pumuluyo sang Capiz kon maimplementar na ang programa sa Roxas City, agud indi na kinahanglan magbiyahe sa iban nga lugar agud ma-avail ang serbisyo.
Ginalauman man sang natungdan nga mapatuman ang amo nga programa agud mabuligan ang mga pigado nga mga pumuluyo.
