Gin-suspend sang Philippine College of Physicians si Dr. Anthony “Tony” Leachon sa sulod sang anum ka bulan bangud sa defamation batuk sa mga kaangay man niya nga physicians kag health professionas kag paglapas sa ethical standards.
Sandig sa 26-page decision sang 13-member Board of Regents sang PCP, nakahimo sang maathag nga paglapas si Leachon sang iya duties kag responsibilities sa idalom sang Code of Ethics pinaagi sang iya mga public statements batuk sa iya mga kaupdanan.
Ang grounds sang ethics complaint batuk kay Leachon nagalakip sang misrepresentation bilang expert witness kag pagpalapta sang sala nga impormasyon sa iya panindugan batuk sa anti-dengue vaccine nga Dengvaxia.
Natukiban sang PCP regents nga wala ini nakahimo sang amo nga violations.
Apang, nakit-an nga liable si Leachon sa defamation kag paglapas sa ethical standards.
Nagsabat naman si Leachon pinaagi sa facebook kag ginpahayag nga siya kag ang iya mga abogado ang nagapangita na sang available remedies bangud wala ini nagapabor sa nangin desisyon sa iya sang PCP.
