Philippine Men’s football team, handa na sa hampang batok sa Tajikistan

Handa na ang Philippine Men’s Football team para sa ila AFC Asian Cup qualifying game batok sa Tajikistan.

Hiwaton ang hampang sa New Clark City Stadium sa Hunyo 10 kun sa diin tuyo sang football team sang pungsod nga liwaton ang ila kadalag-an sang gin-atubang nila ang Maldives kag ginlutos sila sa score nga 4-1.

Suno kay team manager nga si Freddy Gonzalez, mabakod nga team ang Tajikistan bangud nakalab-ot ini sa quarterfinals sa last edition sang Asian Cup.

Nagapati sia nga ang iya mga lineup mas makasarang sa pag-uyat sang visiting team nga Tajikistan.

Ginlutos sang Tajikistan ang Timor-Leste sa score nga 1-0 sang nagligad nga Marso 25 kag yara sila sa pareho nga standing sang national team sang pungsod.