Ginapreparahan na sa karon sang Philippine Men’s Football team ang ila pagsabak sa ASEAN Mitsubishi Electric Cup 2024.
Mahibaluan nga sa palaabuton nga Disyembre 12, makaatubang nila ang Myanmar samtang sa Disyembre 18 naman ang Vietnam nga lunsay pagahiwaton sa Rizal Memorial Stadium.
Samtang may ara man sila nga mga hampang sa guwa sang pungsod kasubong sa Lao National Stadium sa palaabuton nga Disiyembre 15 kag makaatubang naman ang Indonesia sa Disyembre 21 nga pagahiwaton sa Gelora Bung Karino Stadium.
Ginpahayag ni Freddy Gonzales ang Director of National Senior Teams for the Philippine Football Federation, nga magamit sang national team ang pila sa mga natun-an nila sa mga tinalikdan nga friendly games gikan sa iban nga mga pungsod.
Sa palaabuton naman nga Disyembre 2, pagahiwaton ang ila national training camp kag didto na mahimo nga mapili kun sin-o ang pinal nga mga igasabak.
Nagapanawagan ini sa publiko nga suportahan ang Philippine team ilabi na kun ang hampang ang pagahiwaton sa pungsod.
