Padayon nga ginabantayan sang Philippine Red Cross (PRC) ang malapnagon nga pagbaha kag pagtiphag sang duta sa probinsya, tuga sang Shearline.
Nagapabilin nga indi maagyan ang spillway padulong sa Dugui Too, samtang ang Danicop spillway limitado lang sa mga light vehicles. Ginapanugyanan ang publiko nga maghalong gid bangud sa padayon nga pag-awas sang Bato River.
Sa banwa sang Hinipan, Bagamanoc, narekord ang pagbaha tubtob sa hawak. Samtang tubtob sa tuhod ang kadalumon sang tubig sa Rizal (Viga), Camburo (Caramoran), kag Biong (Gigmoto). Manubo apang padayon nga pagbaha sa Panganiban, Pandan, Bato, Virac, kag Gogon Centro.
May mga pagtiphag sang duta nga nagbalabag ukon limitado sang alagyan sa pila ka bahin sang Viga, San Miguel, Pandan, Caramoran, kag Panganiban. Padayon man ang pagpangita kag pag-verify sa isa ka persona nga ginreport missing sa Obo, San Miguel.
Naka-standby man ang mga Search and Rescue kag Ambulance teams sa koordinasyon sang LDRRMO kag RC 143 volunteers.
Liwat nga ginapahanumdom ang publiko nga unahon ang safety kag likawan ang pagtabok sa mga lugar nga ginabahaan.
Magluwas sa Catanduanes, pila man ka mga banwa sa Camarines Norte ang naapektuhan sang pagbaha, kasubong sang Daet, Basud, Labo, San Vicente, Vinzons, Talisay, San Lorenzo, Mercedes, kag iban pa nga mga kaiping nga lugar.
