Preparado na ang Philippine Sports Commission (PSC) sa pag-host sang pungsod sa Womens Tennis Association (WTA) 125 nga pagahiwaton sa Rizal Memorial Sports Complex.
Suno kay PSC Chairman Patrick Gregorio, 80 percent na nga handa sang venue.
May pila lamang ka mga pagkay-o nga ginahimo sa mga court nga gamiton, pareho sang pagbutang sang dugang nga suga kag pagpinta.
Nakahiwat man sang pila ka mga hampang ang Philippine Tennis Association agud testingan kun ano pa nga mga improvements ang kinahanglan sa nasambit nga court.
Magluwas kay Alex Eala, ginhatagan man sang wildcard si Tennielle Madis sang M’lang, Cotabato agud makahampang sa nasambit nga competition.
Nahibaluan nga ang partisipasyon ni Eala magadepende sa iya performance sa Australian Open. Samtang, pagahiwaton ang Womes’s Tennis Association 125 event sa Enero 26 tubtob 31.
