Ginkanselar sang Philippine Airlines (PAL) ang ila byahe pakadto kag halin sa Middle East kasunod sang conflict situation sa Middle East.
Mga Kanselado nga mga Flights PAL, Pebrero 28, 2026
PR684 (Manila–Doha)
PR655 (Riyadh–Manila)
PR659 (Dubai–Manila)
Marso 1, 2026
PR685 (Doha–Manila)
Sa isa ka pahayag, ang PAL nagsiling nga ang mga flights ginkanselar “bangod sang mga pagdumili sa mga operasyon sang flight sa natungdan nga mga estasyon sa Middle East.”
Mga Flights nga ginpabalik sa Manila
Napilitan nga magbalik ang pila ka flights nga naghalin sa Manila, lakip na ang:
PR654 (Manila–Riyadh) – nagbiyahe sang Sabado kag natalana nga mag-abot pabalik sa Manila mga alas 10:40 sang gab-i (local time).
PR658 (Manila–Dubai) – nagbiya man sang Sabado kag ginalauman nga maga-abot sa Manila mga alas 9:52 sang gab-i (local time).
Samtang, gin-anunsyar man sang Cebu Pacific ang pagkanselar sang pila ka mga byahe sini.
Kon sa diin kanselado ang flights sa 5J 14/15 Manila–Dubai–Manila nga naka-iskedyul sa Marso 1.
Ginhingyo sang New NAIA Infra Corp (NNIC) ang mga pasahero nga siguraduhon nga tsekyaron ang pinakaulihi nga status sang ila flights antes magpadulong sa mga airports.
Ginapanugyan man sa mga pagakuhaon sa airport nga i-verify anay ang oras sang pag-abot sang ila mga himata ukon abyan bangud posible nga magbag-o ang flight schedule.
