Nagpatigayon sang rally ang pila ka grupo nagikan sa nagkalain-lain nga political affiliations agud ipanawagan ang impeachment ni Vice President Sara Duterte.
Ginhiwat ang nasambit nga rally sa EDSA People Power Monument sa Quezon City.
Gin-organisa ang amo nga rally sang Bunyog party nga kumatawan sa mga ordinary nga Pilipino. Yara sa kapin 80 pro-impeachment vloggers naman ang nagtambong kalakip ang supporters ni anay VP Leni Robredo nga ginatawag nga kakampink kag mga grupo nga pro-Marcos.
Lakip man sa nagtambong si Alliance of Concerned Teachers Partylist Rep. France Castro nga naghatag sang updates angut sa impeachment complaint nga gin-file batuk sa Bise Presidente sang Disyembre 2024.
Suno sa mamalidha, wala pa na-endorso sa opisina ni House Speaker Martin Romualdez ang nasambit nga complaint nga gin-file sa Kamara masobra isa ka bulan na ang nakaligad. Gintumod ni Rep. Castro nga isa sa nagapahina sa impeachment case amo ang nangin pahayag ni Presidente Ferdinand Marcos Jr. nga indi napapanahon ang impeachment.
