Pabor ang pila ka mga Barangay Official sa Roxas City sa pagpadayon sang Barangay kag Sangguniang Kabataan Elections o BSKE 2026, sa tunga sang ginapropose nga pag-postpone sini.
Sa interview sang Bombo Radyo kay Punong Barangay Nelson Ignacio sang Barangay 3, Roxas City, iya ginpahayag nga mas maayo nga mapadayon ang eleksyon agud mapabilin ang kinamatarong sang mga botante nga makapili sang ila gusto nga mga lider sa barangay.
Suno kay Ignacio, importante nga hatagan sang kahigayunan ang mga residente nga makapili sang bag-o nila nga mga lider kag makapili sang mga opisyal nga ila ginapatihan nga makaserbisyo sa komunidad.
Ginpahayag man sini nga may yara na sang mga barangay official nga last termer na gani, kinahanglan nga may bag-o nga mga lider nga magabulos sa ila.
