Pila ka mga dalan sa syudad sang Roxas, pagasaraduhan sa adlaw sang Biyernes Santo

Paga-saraduhan ang pila ka mga dalan sa palibot sa syudad sang Roxas sa adlaw sang Biyernes Santo.

Suno kay Mr. Gonzalo Andrada, Head sang Traffic Management Unit-Roxas City, ginpahayag nga ang dalan nga pagaagyan sang prosisyon amo ang pagasaraduhan.

Dugang pa sini nga ang road closure ukon traffic route plan ang iga-implementar sa adlaw lang mismo sang Byernes Santo, kag pagkatapos sang prosisyon pagabuksan gilayon ang mga karsada nga temporaryo nga ginpangsiraduhan.

Mahibaluan, nga ang pagasaraduhan nga mga karsadahon ang nakapalibot sa Immaculate Conception Metropolitan Cathedral ukon sa sentro sang syudad.

Apang, indi pa ini ang pinal nga traffic route plan bangud ginahulat pa sang ila nga talatapan ang approval gikan sa nagkalatungdan.