ROXAS CITY – Kadungan sa pagdumdum sang All Saints/Soul’s Day bwas nga adlaw, temporaryo nga igasarado ang pila ka mga dalan sa syudad sang Roxas.
Sa interview sang Bombo Radyo sa Head sang Traffic Management Unit (TMU) nga si Mr. Gonzalo Andrada Jr. ginpahayag sini nga sa mga magapadulong sa Divine Jesus Memorial park, Catholic Cemetery, Mason Cemetery kag Abela Cemetery sa Barangay Banica mangin One Way ang bahin sang;
1. McKinley St., – nagikan sa corner Aguinaldo St., padulong sa corner Killieta St.,
2. Magallanes St., – nagikan sa corner Aguinaldo St., padulong sa Killieta St.,
3. Killieta St., nagikan sa corner McKinley St., padulong sa Bangbang St.,
4. Burgos St., – nagikan sa corner Killieta St., padulong sa Aguinaldo St.,
5. Bangbang St., – nagikan sa corner Killieta St., padulong sa corner Aguinaldo St.,
6. Legaspi St.,/Banica Highway – nagikan sa corner Killieta St., padulong sa Banica New Road.
Ang mga dalan naman nga No Entry Points amu ang;
1. Junction sang Banica New Road kag Banica Highway
2. Corner Legaspi – Killieta St.,
3. Corner Killieta – Burgos St.,
4. Corner Killieta St., – Bangbang St.,
5. Corner Luna Novicio – Bangbang St.,
6. Corner Luna Novicio – Burgos St.,
7. Corner Legaspi – Luna Novicio St.,
8. Corner Legaspi – Asis St.,
Sa mga drivers sa nasambit nga lugar mahimo nga makaparking sa bahin sang;
1. Legaspi St., magtimbang nga dalan nagikan sa corner Aguinaldo St., corner Killieta St.,
2. Ang bakante nga lote sa bahin sang Divine Jesus Memorial Park.
Sa bahin naman sang Mt. Zion Memorial Park, kag St Lourdes Memorial Park sa Barangay Mongpong wala sang may magparking sa magtimbang nga dalan 100 meters away nagikan sa sementeryo subong man sa mga magapadulong sa Cagay Cemetery.
Pag-abot sa Loctugan Cemetery, lauman nga mangin mahina ang lakat sang trapiko pasulod sa sementeryo kag mga lugar nga indi mahimo parkingan amu ang natuo nga bahin sang dalan pasulod sa sementeryo, kag magtimbang nga bahin sang dalan pag-abot naman sa one-way.
Parking Area nawala nga bahin sang dalan pasulod sa sementeryo kag magtimbang nga bahin sang dalan malapit sa sementeryo.
Panugyan ni Andrada nga habaan ang pasensya kag magkooperar sa ila agud matigayon nga matapos ang Undas 2024 nga mangin matawhay.
