Pila ka mga empleyado sang Bailan District Hospital nagreklamo matapos wala maswelduhan sang masobra isa ka bulan

PONTEVEDRA, CAPIZ -Nabutang naman sa kontrobersiya ang Bailan District Hospital matapos ginreklamo sang mga empleyado sa kapaslawan nga mahatag ang ila sweldo.

Personal nga nagdangup sa Bombo Radyo Roxas ang isa ka concerned nga empleyado para i-reklamo ang wala pagbaton sang sweldo humalin sang Abril 1, tobtob sa karon.

Gintuad sang wala nagpakilala nga empleyado nga 40 sila nga empleyado sang nasambit nga ospital nga apektado.

Sang ila usisaon ang rason sa pagka-atrasar sang ila sweldo sang masobra sa isa ka bulan ginpalab-ot sa ila ang delayed nga pagsumiter sang ila nga DTR kag indi kumpleto nga mga dokumento.