Apektado ang pila ka mga jeepney driver sumugod sang nag-umpisa ang byahe sang Ceres Liner nga bus nga may ruta Kalibo-Roxas via Sapian.
Sa interview sang Bombo Radyo sa jeepney operator nga si Nonong, nabuhinan ang ila pasahero nga para kun tani sa ila umpisa sang nagsugod ang pagbyahe sang amu nga ruta sang bus.
Apang suno kay Nonong wala sila sang mahimo kag kun maabot ang tyempo nga mahina na ang kita sa pagbyahe sang jeep mauntat mauntat nalang ini.
Mahibaluan nga nagsugod na ang biyahe sang Ceres Liner bus nga Kalibo-Roxas via Sapian sang Marso 23 sini nga tuig.
Yara sa tatlo ka yunit sang bus ang naga-operate sa karon sa amu nga ruta kag posible pa suno diri nga madugangan sa mga masunod nga binulan.
Alas 6:00 sang aga ang first trip sang Kalibo-Roxas samtang alas 4:00 naman sang hapon ang last trip sini.
