ROXAS CITY – Iga-sarado ang pila ka mga mayor nga dalanon sa syudad para sa pagpatigayon sang prosisyon sa Biyernes Santo, sa Abril 15.
Ini ang ginkumpirmar ni Mr. Gonzalo Andrada Jr., Traffic Management Unit (TMU) head, sang mainterview sang Bombo Radyo.
Suno diri, iga-sarado ang dalan sa corner Rizal P. Gomez, corner Hughes Legazpi, Public Plaza, McKinley Taft, McKinley San Jose St, corner San Jose, corner Bilbao Legazpi kag former Taft Legazpi, agud mahatagan sang ti-on ang pag-preparar sang mga karo kag pagsugod sang prosisyon.
Dugang pa ni Gonzalo, may yara sang iga-pahamtang nga mga TMU personnel sa kada dalan agud mag-monitor sa nagakahinabo kag sa dalagan sang amo nga kahiwatan sang Simbahan.
Samtang, iga-sarado man ang Mansion Road para sa preparasyon sang Mt. Carmel, kag magasugod ang prosisyon sa Roxas Avenue, Fuentes Drive, San Roque Extension, Altavas, kag balik sa Roxas Avenue.
Panugyan sang pinuno sang TMU nga sa gihapon sundon ang minimum public health protocol kaangay sang pagsuksok sang face mask agud malikawan ang paglapta sang COVID-19.
