ROXAS CITY – Nagpatigayon sang Hublag protesta ang pila ka mga progresibo nga grupo sang Capiz kadungan sa una nga SONA ni President Ferdinand “Bongbong” Marcos Jr.
Ginasinggitan sang grupo nga tumanon sang bag-o nga president ang mga promisa sini sang siya palang ang nagapangampanya.
Suno kay Monica Cabantog, tagpamaba sang Gabriela, hatagan sang presidente sang prayoridad ang sektor sang agrikultura kun sa diin ini ang mayor nga kinahanglan sang tawo kag hatagan man prayoridad ang mga kabataan kag mga estudyante.
Ginsiling man sini nga masyado na kataas ang pamasahe kag mga balaklon nga halos mga manggaranon nalang ang kaya manindihan sa subong nga tyempo.
Panugyan ni Cabantog, nga panumdumon ang mga kinahanglanon sang pumuluyo nga naghatag suporta sa iya.
