ROXAS CITY – Ginpalab-ot sang pila ka mga pumulyo ang ila reklamo sa isa ka dalanon nga madugay na nga ginabaha sa Ilaya Street, Barangay Dayao.
Sa interview sang Bombo Radyo sa isa ka Concerned Citizen nga wala na ginhingadlan kag residente sang nasambit nga barangay, madugay na ini nga perwisyo sa ila nga mga pumuyo bangud kun mabaskog ang ulan, nagasulod ang tubig sa ila puluy-an.
Dugang sini, ginakabalaka nila ang wala nagahubas nga tubig ilabi na subong nga tag-ululan bangud posible ini istaran sang lamok nga may dala sang balatian nga dengue kag iban pa kun sa diin dako nga maapektohan ang ila mga kabataan.
Suno diri, ginpalab-ot na nila nga mga pumuluyo ang reklamo sa Barangay Officials samtang ang sabat sini sa ila nga pabutangan ang dalanon sang drainage apang tubtob sa karon wala pa ini maaksyunan.
