PANITAN, CAPIZ- Yara na sa 30 tanan ka mga indibidwal ang amat-amat na nga naga-evacuate sa tagsa ka mga evacuation centers sang Barangay Concencia, Panitan, Capiz, kadungan sang malain nga tyempo nga dala sang Bagyo Tino sa probinsya sang Capiz.
Sa interview sang Bombo Radyo kay Punong Barangay Panie Borio sang nasambit nga barangay, iya ginpahayag nga nagpatigayon timprano pa sila nga naglibot sa ila nga barangay kag nagpanawagan sa ila nga mga nasakupan nga mag-evacuate na samtang timprano pa.
Suno kay Borio, nahimo sa subong nga evacuation center ang ila nga barangay hall, health center, simbahan kag eskwelahan.
Pahayag nya, hugot nila nga ginamonitor ang mga pumuluyo nga yara sa mga manubo nga areas kag ginapanugyanan nga mag-evacuate na samtang timprano pa.
Nahibaluan nga padayon ang ila nga talatapan sa paghatag sang hot meals sa mga evacuees kag may ginpalab-ot naman nga mga bulong.
Nagapanawagan naman ang natungdan sa mga pumuluyo nga iya nasakupan nga mag-evacuate na nga daan samtang timprano pa agud nga masiguro ang kaluwasan kag makalikaw sa kun ano man nga sahi sang insidente ang posible nga magluntad sa tion sang bagyo.
Interviewed by Bombo Francis Biñas
