DAO, CAPIZ- Amat-amat na nga naga-evacuate ang pila ka mga pumuluyo sang Barangay Poblacion Ilaya, Dao, Capiz, sa ila nga barangay hall kag pila ka mga evacuation centers kadungan sang malain nga tyempo nga dala sang Bagyo Tino sa probinsya sang Capiz.
Sa interview sang Bombo Radyo kay Punong Barangay Tomas Ibrada sang nasambit nga barangay, iya ginpahayag nga nagpatigayon sang emergency meeting ang ila nga talatapan upod ang mga opisyales kag pila pa ka mga natungdan sang barangay.
Suno kay Ibrada, gin-istoryahan nila ang mga preparasyon kag mga nagakadapat nila nga himuon agud masiguro ang kaluwasan sang ila nga nasakupan sa tion nga mag-igo ang nasambit nga bagyo.
Pahayag nya, nag-umpisa naman sila sa pagrekorida sa ila nga palibot kag padayon ang ila nga monitoring.
Nagapanawagan naman ang natungdan sa mga pumuluyo nga iya nasakupan nga mag-evacuate na nga daan samtang timprano pa agud nga indi na maalang-alangan pa sa tion mismo nga ara na ang bagyo.
Interviewed by Bombo Francis Biñas
