Ginpalapta na ang mga suldado nga France sa River Seine agud masiguro nga ini ang luwas pila ka adlaw bag-o ang pagsugod sang Paris Olympics.
Ang nasambit nga suba ang kabahin sang opening ceremony kun sa diin pila ka libo nga mga atleta ang magabyahe padulong sa Eiffel Tower.
Isa ka dako nga pagpanghangkat subong sa mga kapulisan ang desisyon nga gamiton ang anum ka kilometro nga laba sang suba para sa opening ceremony nga magsugod sa Hulyo 26.
Magalab-ot sa masubra 45,000 nga mga kapulisan kag suldado ang magahatag seguridad sa nasambit nga okasyon magluwas pa diri sa masubra 10,000 nga mga ginatawag nga Sentinelle military operation.
Ang Paris ang makapila ka beses nga ginatarget sang mga terorista rason nga ginadoble na sang mga otoridad ang pagbantay ilabi na sa Olympics.
