ROXAS CITY – Dako karon nga problema para sa mga opisyales sa pila ka kabaranggayan sa siyudad sang Roxas ang nauntat nga mga proyekto sang nakaligad nga Celino administration.
Kalakip sa ginatumod nga mga kabaranggayan nga may wala mapadayon nga mga proyekto amo ang sa Barangay Cagay, Libas, Talon, Barra kag San Jose.
Luyag sa karon maathagan sang pila ka mga opisyales sa nasambit nga barangay kun mapadayon pa sang karon nga Dadivas administration ang nauntat nga mga road-concreting projects.
Kalakip diri ang wala matapos nga karsada sa Barangay Cagay nga madugay na nga houl sa mga residente.
May yara man sang ginakaayo nga karsada sa Barangay Talon nga 50 porsyento pa lamang ang natabo kag wala na mapadayon.
Wala man mapadayon ang ginakaayo nga karsada sa Barangay Barra kun sa diin ginapahayag nga 30 porsyento pa lamang ang natapos.
