Ginkumpirma sang Department of Foreign Affairs (DFA) nga isa ka Pilipina ang kabahin sa mga napatay bangud sa heatstroke sa Hajj Pilgrimage sa Saudi Arabia.
Suno kay Foreign Undersecretary Eduardo de Vega, ginbawian sang kabuhi ang Pilipina sa pilgrim sadtong Hunyo 16.
Naka-destino sa Riyadh ang nasambit nga Pilipina kag hindi ini kabahin sang Hajj delegation nga gin-organisa sang National Commission on Muslim Filipinos (NCMF) suno sa Embahada sang Pilipinas sa Riyadh.
Ginpahayag nga ang Pilipina nga napatay ang pinoy nga nangin kabahin sa nabalitaan nga masobra 900 nga ginbawian sang kabuhi sa Hajj Pilgrimage sa subong nga tuig.
Dugang pa ni Usec. De Vega, nagpadala man ang ahensya sang mga tawo sa Saudi Arabia agud mag-assist sa Embahada sang Pilipinas sa pagbantay kag pagbulig sa mga Pilipino nga pilgrims.
Ginabulubanta nga nagdangat sa 5,100 ang kabuuan nga bilang sang mga Pilipino nga naghiusa sa Hajj halin ika-14 tubtob sa ika-19 sang Hunyo.
