MANILA, Philippines – Ginkilala sang Canada ang Pilipinas bilang “Priority Partner”, sa ila estratehiya sa depensa sang Indo-Pacific Defense Strategy
Ang nasambit nga pagkilala nabaton bangud sa padayon nga pagpabakod sang Canada sang iya presensya sa rehiyon sa idalom sang multibilyon-dolyar nga estratehiya sang Indo-Pacific nga nagatutok sa seguridad sa kadagatan, mga supply, kag mga kaangtanan sa depensa sa duha ka pungsod.
Sa isa ka estratehiko nga dayalogo, ang Canadian defence policy officer nga si Sara Schlemm, nagpahayag nga ang Canada nagapatuman sang “Build-Partner-Buy”, nga pamaagi, nga nagatuyo sa pagpauswag sang lokal nga kapasidad.
Samtang nagakooperar sa mga kaupod nga pungsod pareho sang Pilipinas sa pagtukod sang mga sistema sa depensa.
Kabahin ini sang mas malapad nga plano sang Canada nga mabuhinan ang pagsalig sa mga supplier sa guwa kag mapabakod ang ila industriya sa depensa paagi sa mga alyansa.
Ang partnership ginakabig naman sang Pilipinas, nga padayon nga mangin isa ka seguridad kasabay sang kaalyado, ilabi na sa pag-atubang sang mga pagpanghangkat sa “West Philippine Sea”, nga mapabasdkog pa ang modernisasyon sang militar.
Nahibaluan sang nagligad nga mga tinuig, ginpasangkad sang Pilipinas ang ila kooperasyon sa depensa sa Estados Unidos, Japan, kag Australia.
