Ginklaro ni Philippine Ambassador Jose Manuel Romualdez nga wala nalakip ang Pilipinas sa listahan sang mga pungsod nga apektado sang temporaryo nga suspension sang US sa visa processing.
Kasunod ini sang report nga umpisa Enero 21, temporaryo nga ginpauntat sang US State Department ang pagproseso sang visa para sa mga bisita gikan sa 75 ka mga pungsod.
Sa memo sang State Department, lakip sa mga pungsod nga maapektuhan amo ang Somalia, Russia, Iran, Afghanistan, Brazil, Nigeria, kag Thailand, apang indi ang Pilipinas.
Ginhatagan pagtamod ni Romualdez nga nagapabilin nga mabakod ang kaangtanan sang Pilipinas sa Estados Unidos bilang isa sa pinakamalawig nga kaalyado sa kasugtanan sa Asya, kag ang bag-o nga polisa indi makaapekto sa mga Pilipino nga luyag magbiyahe ukon mag-apply sang US visa.
Tinutuyo sang nasambit nga pahayag nga mapasalig ang publiko batok sa ginapalapta nga sala nga impormasyon angut sa suspension sang visa.
