SAN ANTONIO, Zambales – Ginapabakod sang Pilipinas kag Japan ang naval ties matapos magpatigayon sang high-level talks ang Philippine Navy kag isa sa mataas nga opisyal sang Japan Maritime Self-Defense Force sa Naval Operating Base sa Subic.
Si Philippine Fleet commander Joe Anthony Orbe, nakigpagsinapol kay Ikeuchi Izuru agud talakayon ang pagpalapad sang maritime cooperation kag pagpaayo sang interoperability sang ila pwersa.
Nakapokus ang estoryahan sa pagpabakod sang joint maritime security efforts kag pagtapik sa mga hagit sa seguridad sa rehiyon.
Nagakatabo ang pagpulong kaupod sang ginpalapad nga partisipasyon sang Japan sa Balikatan exercises, ang tinuig nga joint military drills sang Pilipinas kag Estados Unidos.
Subong nga tuig, lakip ang mga kapin sa 1,400 personnel gikan sa Japan Self-Defense Forces kag ang deployment sang Type 88 surface-to-ship missile systems.
Pahayag ni Orbe, ang pagbisita nagapakita sang mas nagalig-on nga defense partnership sang Pilipinas kag Japan.
Dugang pa sini, ang presensya sang mga Japanese naval vessels pareho sang JS Ikazuchi, JS Shimokita, kag JS Ise nagabulig sa pagpaayo sang joint operational readiness.
Ginpabaskug man sang mga opisyal ang kahalagahan sang pagmentinar sang kaayuhan sa kadagatan base sa international law, upod ang pagrespeto sa soberanya, kalayaan sa paglubid, kag malinong nga pagsolbar sang mga away.
Sa padayon nga pagpakig-angot ang Philippine Navy, ginakabig nga ang amo nga engagement importante sa pagpabakod sang pansiguridad, relasyon kag pagmentinar sang duha ka pungsod.
