Magatukod ang Department of Energy (DOE) kag Kingdom of Saudi Arabia’s (KSA) Ministry of Energy sang roadmap agud pabaskugon ang ila energy cooperationkag posible nga Artificial Intelligence (AI) engagements.
Ini ang nakabase man sa pagtimakas ni Presidente Ferdinand R. Marcos Jr. nga pabaskugon ang energy investments kag masiguro ang energy security sa pungsod, matapos ang iya pagbisita sa Saudi Arabia sadtong Oktobre 2023.
Mahibaluan nga sa idalum sang partnership nga ginpirmahan, ang areas for cooperation ang pagakalakipan sang petroleum derivatives, native hydrogen exploration, sustainable aviation fuel, digital technology for electrical systems management, kag energy efficiency.
Lantawon man sang magtimbang nga partido ang AI agud mapaayo ang energy management, partikular ang “real-time monitoring, predictive maintenance, kag energy forecasting.”
Ang DOE kag KSA’s Ministry of Energy ang magapatigayon sang bilateral meetings agud talakayon ang mga detalye sang ila kooperasyon.
